Plantun de Prouvènço

Pèr coumpara dos planto d'encò nostre

Picea glauca & Asplenium trichomanes subsp. inexpectans

Serento(-verdalo)

Picea glauca

Pinaceae

Àutri noum : Serénta, Sarento, Sourento, Serinte, Sùfi.

Nom en français : Epinette blanche.

Descripcioun :
Aquesto serento nous vèn d'Americo de l'uba (Alaska e Canada). En Prouvènço èi pas couneigudo coume planto de rebouscage (au contro di Pirenèio e de l'Aubrac). Sèmblo proun à nosto serento, pamens li fueio, aleva di jouino que soun bruno, soun bèn verdalo. Li pigno soun mens longo peréu (2,5 à 6 cm). Aquéstis aubre vènon de l'Erbo-blanco en Alouos (04). Sabèn pas se van se naturalisa.

Usanço :
Dèu agué li mémis usanço que la serento.

Port : Aubre
Taio : 10 à 30 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Picea
Famiho : Pinaceae

Ordre : Pinales

Coulour de la flour : Roso
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2000 m
Aparado : Noun
Abriéu à juliet

Liò : Sapiniero
Estànci : Mountagnard à Subaupen
Couroulougi : Éurasiatico
Ref. sc. : Picea glauca (Moench) Voss, 1907

Erbo-de-l'escaleto

Asplenium trichomanes subsp. inexpectans

Aspleniaceae

Àutri noum : Erbo-de-la-bresego, Poulitri.

Noms en français : Capillaire des murailles, Doradille polytric.

Descripcioun :
Aquesto erbo-de-l'escaleto de la subsp. inexpectans se destrìo de la subsp. coumuno, trichomanes, que lou bout di foundo s'acabo d'un cop sus un tros bèn mai gros (fotò). Peréu, li foundo soun forço procho de la roco coume se s'i'arapavon.

Usanço :
Dèu agué li mémi prouprieta que l'erbo-de-l'escaleto coumuno, Asplenium trichomanes subsp. trichomanes. Pamens vau miés pas l'acampa qu'es uno planto raro (e bèn mai pichoto).